അണ്ടിയോ മാങ്ങയോ ??
അണ്ടിയോ മാങ്ങയോ ??
കുട്ടനും ചേട്ടനും തര്‍ക്കമായി,
അണ്ടിയോ മാങ്ങയോ ??തര്‍ക്കം മുഴുത്തപ്പോള്‍ ശണ്ഠയായി
ശണ്ഠ മുഴുത്തതു ഗുസ്തിയായി,
മുത്തശ്ശിയെത്തി മധ്യസ്ഥയായി..
തര്‍ക്കമെന്താണെറിഞ്ഞീടുകില്‍,
മൂത്തവന്‍ മാവാണോ അണ്ടിയാണോ?
അച്ഛനും അമ്മയും ചിരിച്ചീടുന്നു,
അത്ഭുതം കണ്ടങ്ങു നിന്നിടുന്നു.
തൊണ്ണൂറു താണ്ടിയ മുത്തശ്ശിയോ
തെല്ലൊന്നു ശക്തിയായ്‌ ഊന്നി നിന്നു .
തര്‍ക്കത്തിനപ്പോള്‍ വിരാമമായി..
ഭൂമിയിലാദ്യമായി മാമരങ്ങള്‍,
ആ മട്ടില്‍ തന്നെ സൃഷ്ടിച്ചു ദൈവം ..
വീണ്ടും മരങ്ങളുണ്ടാകുവാനായ്,
കായ്കള്‍ സൃഷ്ടിച്ചു പിന്നെ അവന്‍..
ചേട്ടനും കുട്ടനും കേട്ട് നിന്നു
പിന്നെ അവരും ചിരിച്ചു പോയി..
ഒരു ചെറിയ ചിരി ചെറുതിനും വരുന്നുണ്ട്.
ReplyDeleteവഴക്കിന്‍‍റെ കാരണം ഓര്‍ത്തല്ല; മറിച്ച്.... ഇത്ര രസകരമായി, ഒഴുക്കോടെ ചൊല്ലുവാന്‍ പറ്റുന്ന കവിത വായിച്ചിട്ട്.
കഴിവുണ്ടെന്ന് തെളിയിക്കുന്ന ഒരു പോസ്റ്റാണിത്. ആശംസകളും അഭിനന്ദങ്ങളും :)
എഴുത്തിനിടയില്‍ സമയം കിട്ടുമെങ്കില്‍ ചെറിയ ബ്ലോഗുകളോ, കവിതകളോ വായിക്കാനും അതിന്‍ ഒരു അഭിപ്രായം പറയുവാനും ശ്രമിക്കുക. എങ്കില്‍ മാത്രമേ മറ്റ് വായനക്കാര്‍ക്ക് അതിലൂടെ ഈ ബ്ലോഗില്‍ എത്തിചേരാന്‍ സാധിക്കൂ. നല്ല സൃഷ്ടികള്‍ സ്വന്തമാക്കിവച്ച് അഹങ്കരിക്കാതെ, മറ്റുള്ളവര്‍ക്കും വായിക്കാന്‍ അവസരം നല്‍കൂ :)
അഭിപ്രായങ്ങള്‍ പോസ്റ്റ് ചെയ്യുമ്പോള്‍ കാണിക്കുന്ന വേഡ് വെരിഫിക്കേഷന്‍ ഒഴിവാക്കുന്നത് നന്ന്. ഒരിക്കല്‍ പറഞ്ഞിരുന്നു.
ReplyDeleteഅറിയാതെ ആണെങ്കില്‍ ഇത് വഴി പോയാല്‍ മതി.
ഡാഷ്ബോര്‍ഡ് --->> ക്രമീകരണങ്ങള്‍----->>അഭിപ്രായങ്ങള്‍----->>> അതില്‍ “അഭിപ്രായങ്ങള്‍ക്കുള്ള വാക്ക് തിട്ടപ്പെടുത്തല്‍ കാണിക്കണോ?“ എന്നുള്ളത് “അല്ല” എന്നാക്കുക
ആവശ്യം കഴിഞ്ഞാലിത് ഡിലീറ്റിയേക്ക്.