ഒരു കൊച്ചുപൂവിന്റെ നേര്‍ത്ത മൌനത്തിലെ
കുളിരിടും ഈണമായ് തീര്‍ന്നുവെങ്കില്‍,
പുലരിതന്‍ കുമ്പിളില്‍ കളകളം പാടുന്ന
കുയിലിന്റെ ഗാനമായി മാറിയെങ്കില്‍,
അതു കേട്ടൊഴുകുന്ന പുഴയുടെ തീരത്തെ
കുളിരിടും പുല്‍ നാമ്പായി മാറിയെങ്കില്‍ ,
വാര്‍മഴവില്ലിന്റെ ചാരുതയേന്തുന്ന
ഒരു ചിത്രശലഭമായി പാറിയെങ്കില്‍ ,
അറിവിന്റെ വെണ്മ ചൊരിയും നിലാവായ്
ഇരുളിന്റെയുള്ളു തഴുകിയെങ്കില്‍ ,
ആ നിലാവിന്റെ ചിരിയില്‍ വിളങ്ങുന്ന
ഏകാന്തതാരമായി മിന്നിയെങ്കില്‍,
നിറയുന്ന ഈ മോഹങ്ങളെല്ലാംപതുക്കെ
വ്യഥ തന്റെ മാറോടു ചേര്ന്നു പോയാല്‍ ...
വെറുതെ കരയുവാന്‍ എന്തിനീ
മോഹങ്ങളെ ഞാന് നിറച്ചിടുന്നു?
